Somaliland Athletics Federation

Degmadda M/Haybe oo noqotay Horyaalka Degmooyinka Magaalada Hargeysa.

Hargeysa: (Somali SC) Tartankii Horyaalka orodada Degmooyinka Caasimadda Hargeysa ayaa la soo gabagboobay ka dib markii u socday mudo todobaad ah, waxaana ku tartamayey shanta degmo ee ay ka kooban tahay Magaalada Hargeysa oo ah Caasimada Jamhuuriyadda Somaliland.

Hargeysa: Tartankii Oradada ee Degmooyinka Gobolka Maroodijeex ayaa shalay (22/4/11) si Rasmi ah ugu Bilaabmay Garoonka Hargeysa Stadium Ee Magaalada Hargeysa. Tartankani oo ay soo qaban qaabiyeen Xidhiidhka Ciyaaraha Fudud Ee Somaliland oo Kaashanaaya Shirkada Isgaadhsiinta ee SOMTEL ayaa ah sanadkii labaad oo la qabto tartankan.

Hargeysa: Xidhiidhka ciyaaraha waxa uu markii ugu horeysey qayb libaax ka qaatay ka qayb galka iyo wayneenta xuska Maalinta dhalinyaradda Somaliland ee loo aqoonsaday 20 Feb 2011 isaga oo kaga qayb qaatay inuu soo qaban qaabiyey isla markaana ka fuliyey ciyaaro kala gedisan galabnimadii Maalinta 20 Feb 2011 Beerta Xoriyadda ee Magaalada Hargeysa.

Hargeisa (SLAF): Waftigii Orodyahanada heer qaran ee Somaliland ee uu hogaaminayey Xidhiidhka Ciyaaraha Fudud ee Somaliland ayaa dalka dib uga soo laabtay iyagoo ka soo qaygalay tartanka Caalamiga ah ee Djibouti Half Marathon.

Waftigan & Ciyaartoyga ayaa ka amba baxay Caasimada dalka 7/3/11, waxaanay ka qayb galeen tartankan Djibouti Internatonal Half Marathon oo dhacay 11/3/11, iyagoo dalka dib ugu soo laabtay 15/3/11.Tartankan ayaa waxa ka soo qayb galay Orodyahano ka kala socday 12 wadan oo ay ka mid yihiin Djibouti, Kenya, Tansaniya, Brundi, Sudan, Ugandha, Ethiopia, Somaliya, France & Somaliland.

Hargeysa (SOMAF): Wafti balaadhan oo uu hor kacaayey safiirka Somaliland u fadhiya dalka South Africa Prof. Iqbal Jhazbhay oo ay weheliyaan xubno kasocdey waasarada Arimaha Dibadda Ee South Afrika ayaa oo dalka yimidi 1/2/11 ayaa soo booqday Xaruunta Ciyaaraha ee ODHA oo ay ku xaraysannyihiin Ciyaartoyga Heer Qaran ee Ciyaaraha Fudud ee Somaliland.

Waxaana Kulankan Goobjoog ka ahaa Gudoomiyaha Hay’ada wadaniga ah ee ODHA Marwo Faadumo Siciid Ibraahim oo iyadu bixisay Maalgalinta Tartanka orodka Half Marathonkii la qabtay 20 Jan ee sanadkan, isla markaana sadexda inan ee ugu horeeyey u diyaarisay jiifka & nafaqada ciyaartoygan oo mudo bil ku dhow ku qaadan doona Tababar Xaruunta Ciyaaraha ODHA, si ay uga qayb galaan tartan heer caalami ah oo ka dhici doona dalka Djibouti.

Hargeysa (SOMAF): Xidhiidhka Ciyaaraha Fudud ee Somaliland ayaa gudoonsiiyay Gudoomiyaha Hay’ada wadaniga ah ee ODHA Marwo Faadumo Siciid Ibraahim Shahaado Sharaf tii ugu sarasey ee Xidhiiku bixiyo tan iyo intii la doortay. Marwo Faadumo Siciid ayaa Shahaado Sharafta uu siiyay Xidhiidhka Ciyaaraha Fudud ee Somaliland ku mutaysatay Kaalintii qiimaha la hayd ee ay ku lahayd tartanka Orodka ee Hargeysa Half Marathon, Shahaadadan oo la siiyo Shakhsiyaadka ama hay’adaha ka qayb qaata horumarinta iyo dhiiri galinta isboortiga dalka, isla markaana  waxay Faadumo noqotay qofkii ugu horeeyay ee shahaado noocan oo kale ah ay siiso Xukuumada cusub ee maanta dalka ka talisa.